| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.51 | Dem. 59.54 (English) | >>Dem. 59.57 |
59.53τὸν μὲν τοίνυν νόμον ἀνέγνω ὑμῖν , καθʼ ὃν ἐγράφη Στέφανος οὑτοσὶ ὑπὸ τοῦ Φράστορος πρὸς τοὺς θεσμοθέτας . γνοὺς δʼ ὅτι κινδυνεύσει ἐξελεγχθεὶς ξένης θυγατέρα ἠγγυηκέναι καὶ ταῖς ἐσχάταις ζημίαις περιπεσεῖν , διαλλάττεται πρὸς τὸν Φράστορα καὶ ἀφίσταται τῆς προικός , καὶ τὴν δίκην τοῦ σίτου ἀνείλετο , καὶ ὁ Φράστωρ τὴν γραφὴν παρὰ τῶν θεσμοθετῶν . καὶ ὡς ἀληθῆ λέγω , τούτων ὑμῖν μάρτυρα αὐτὸν τὸν Φράστορα καλῶ , καὶ ἀναγκάσω μαρτυρεῖν κατὰ τὸν νόμον .
59.54κάλει μοι Φράστορα Αἰγιλιέα .φέρε δὴ ὑμῖν καὶ ἑτέραν μαρτυρίαν παράσχωμαι τοῦ τε Φράστορος καὶ τῶν φρατέρων αὐτοῦ καὶ γεννητῶν , ὡς ἔστι ξένη Νέαιρα αὑτηί . οὐ πολλῷ χρόνῳ γὰρ ὕστερον ἢ ἐξέπεμψεν ὁ Φράστωρ τὴν τῆς Νεαίρας θυγατέρα , ἠσθένησε καὶ πάνυ πονηρῶς διετέθη καὶ εἰς πᾶσαν ἀπορίαν κατέστη . διαφορᾶς δʼ οὔσης αὐτῷ παλαιᾶς πρὸς τοὺς οἰκείους τοὺς αὑτοῦ καὶ ὀργῆς καὶ μίσους , πρὸς δὲ καὶ ἄπαις ὤν , ψυχαγωγούμενος ἐν τῇ ἀσθενείᾳ τῇ θεραπείᾳ <τῇ > ὑπό τε τῆς Νεαίρας καὶ τῆς θυγατρὸς αὐτῆς (ἐβάδιζον γὰρ πρὸς αὐτόν ,
Μαρτυρία
Φράστωρ Αἰγιλιεὺς μαρτυρεῖ ,ἐπειδὴ ᾔσθετο Νεαίρας θυγατέρα ἐγγυήσαντα αὑτῷ Στέφανον ὡς ἑαυτοῦ οὖσαν θυγατέρα ,γράψασθαι αὐτὸν γραφὴν πρὸς τοὺς θεσμοθέτας κατὰ τὸν νόμον ,καὶ τὴν ἄνθρωπον ἐκβαλεῖν ἐκ τῆς ἑαυτοῦ οἰκίας καὶ οὐκέτι συνοικεῖν αὐτῇ ,καὶ λαχόντος αὑτῷ Στεφάνου εἰς Ὠιδεῖον σίτου διαλύσασθαι πρὸς αὑτὸν Στέφανον ,ὥστε τὴν γραφὴν ἀναιρεθῆναι παρὰ τῶν θεσμοθετῶν καὶ τὴν δίκην τοῦ σίτου ἣν ἔλαχεν ἐμοὶ Στέφανος .
59.55
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.51 | Dem. 59.54 (English) | >>Dem. 59.57 |
